常見問題

Katering到會點運作㗎？我哋嘅合作餐廳一接到order就會開工準備您嘅外賣，Katering既外賣速遞員會負責運送食物，確保嘅你指定送出嘅時間同日子準時送到。

Katering到會有咩餐廳揀？Katering到會擁有好多唔同種類嘅餐廳，希望滿足唔同口味嘅大家！因為唔係所有嘅餐廳都接受大份量嘅訂單，所以Katering到會入面嘅餐廳都係我哋經過嚴格挑選同審核之後選擇嘅餐廳，保證高質素、對於處理食物亦十分高要求！

喺Katering到會嗌到會同直接喺餐廳嗌有冇分別？我哋一直鼓勵餐廳以餐廳原價製訂餐單嘅價錢，但當然亦有例外啦，所有請大家落單之前都睇清楚價錢，Katering到會喺網站入面清楚列明所有食物嘅價格，減低造成混淆同誤會嘅機會。

關於收費

每次order到會要收幾錢？無論外賣食物份量嘅多定少，所有嘅外賣運送費用一律200蚊，我哋會將您嗌嘅到會送到您門口！

有冇設最低消費㗎？每間餐廳嘅最低消費都唔一樣㗎，如果有最低消費嘅話，就會嘅您落單嘅時候見到一個提醒，而多數嘅餐廳最低消費都係1000蚊。

關於到會運送

嗌完嘢食要等幾耐？視乎您訂嘅外賣份量，我哋嘅外賣運送一般都一律需要72小時前落單。有啲餐廳嘅準備時間會短啲，所以如果您急住嗌外賣，我哋都會通知餐廳盡量提供協助。

如果您想order超多人份量嘅外賣，就請去客製訂單呢度睇下詳情先落order喇！

我叫完啲到會點樣送嚟？當您要嘅外賣製作完畢之後，喺您指定嘅日子同時間，Katering到會嘅速遞員就會負責運送食物俾您落order時寫嘅地址㗎喇。

幾點可以嗌到會？Katering到會每日朝早直到夜晚9點半之前都接受order㗎！但係唔同餐廳嘅營業時間都唔同，所以如果您有特別要求，記住去客製訂單查詢同落單喇！

啲嘢食送到嚟點包裝？外賣嘅包裝以餐廳嘅設計為準，Katering到會選擇嘅餐廳都會盡量用保溫嘅外賣盒設計，確保送到您手上嘅時候keep住咁新鮮！如果您對外賣包裝有任何意見，歡迎email我哋 support@katering.com.hk，我哋會為您向餐廳轉達意見。

想加單？您可以聯絡我哋嘅客戶服務團隊support@katering.com.hk，我哋一定會盡力幫您，等您想食咩就食咩！

可唔可以自己拎到會 ？我哋暫時唔接受到會 自取嘅服務。

到會遲咗嚟？有時突發狀況的確會影響我哋到會 運送，亦可能令過程出現延誤。我哋會同您保持聯絡，當發電您嘅訂單有可能會出現延誤，會即時通知您作出安排。

發現到會出咗錯？我哋有專屬嘅團隊負責Katering到會嘅客戶服務，由您下單到收到到會 嗰一刻，我哋都希望做到100分！所以如果您有咩意見，或者喺到會運送上有咩搞錯咗，都歡迎send email去support@katering.com.hk或者打電話搵我哋！

到會到嗰陣我唔係度可以點算？如果您知道到會 送到嘅時候您拎唔到既話，請打早啲打電話通知我哋，作出安排。到會 送到之前，Katering嘅到會速遞員會親自致電您嘅電話，如有任何狀況，會透過我哋嘅客戶服務聯絡您。請記得check清楚您嘅電話同email，同我嘅保持聯絡喇！

如果我哋真係無法同您聯絡，我哋嘅到會速遞員亦會預留15分鐘嘅時間先會離開。如果發生以上嘅情況，Katering到會仍然會為呢一次嘅到會運送收費。避免唔愉快嘅事件發生，請您喺指定嘅到會運送時間前，再三check清楚填寫嘅時間、地址係咪正確無誤。

仲有疑問未解答到？

即刻打+852 6855 6500 搵我哋或電郵至support@katering.com.hk查詢啦。